विराटनगर । नेपालको सीमाको सुरक्षाको जिम्मेवारी पाएको सशस्त्र प्रहरी बल नेपाल ४ नं. हेक्का सुनसरी मातहतको युनिटले लागु औषध ओसार पसार गर्ने कार्यलाई समेत निरुत्साहित पार्दै आएको छ ।
यो युनिटले श्रावण महिनामा ब्राउन सुगर जस्तो देखिने सेतो पदार्थ, गाँजा लगायत अन्य लागु औषध समेत बरामद गरेको थियो ।
प्रस्तावित सीमा सुरक्षा गुल्म कप्तानगञ्जले देवानगञ्ज ४ भन्सार गेटनेरि BR38AP9130 नम्बरको मोटरसाइकलमा सवार दुई व्यक्तिलाई रोकी खानतलासी गर्दा ४ बोतल कोरेक्स, नाइटा जिपाय २२ ट्याब्लेट सहित दुई जनालाई नियन्त्रणमा लिएको थियो ।
नियन्त्रणमा लिएका व्यक्ति भारत अरअरिया कोराइली ग्राम पञ्चायत ५ बस्ने वर्ष १८ को मुन्ताजिरव अन्सारी र सातजिय अन्सारी रहेका थिए ।
प्रस्तावित सीमा सुरक्षा गुल्म हरिपुरले कोशी गाउँपालिका स्थित तीनकुनेमा दुई व्यक्तिलाई शङ्का लागि चेक गर्दा SPASMO PVOXYVON १६ ट्याब्लेट बरामद गरेको थियो ।
यसरी उक्त लागु औषध उदयपुर बेलका नपा १ बस्ने २४ वर्षका अभिषेक गिरी र उदयपुर चौदण्डीगढी नगरपालिका वार्ड नं. १ का वसन्त बन्जाराबाट बरामद गरेको थियो ।
बीओपी लौकहीले प्र १-०२-०४५प ६१०७ नम्बरको मोटरसाइकलमा आएका व्यक्तिलाई कोशी गाउँपालिका लौकहीमा चेक गर्दा उक्त मोटरसाइकलमा सवार व्यक्तिले लुकाई छुपाइ ल्याएको सेतो पदार्थ जस्तो देखिने ब्राउन सुगर बरामद गरेको छ ।
यसरी बरामद गरिएको ब्राउन सुगर जस्तो देखिने सेतो पदार्थ १.४९ ग्राम रहेको र मो.सा. उक्त वस्तु र सुनसरी जिल्ला इटहरी उपमहानगरपालिका तरहरा बस्ने रोहितकुमार चौधरीलाई नियन्त्रणमा लिएको थियो ।
विओपी उल्टीले भोक्राहानरसिंह गा.पा. नजिक प्रदेश नं. ०२-०४० प ६३६४ मा ल्याएको गाँजा २२ केजी र विओपी साहेवगञ्जले नम्बर प्लेट नभएको २२० सिसिको मोटरसाइकलसहित ५९ केजी गाँजा बरामद गरेको छ ।
यसरी सशस्त्र प्रहरी बल नेपाल ३ नं. गण हेक्का कंकालिनीगण टङ्कीसिनवारी मोरङको मातहतमा रहेको युनिटले श्रावणमा ५ लाख ५ हजार ४ सय मूल्य बराबरको सामान नष्ट गरेको छ ।
यसरी नष्ट गर्नेमा प्रस्तावित सीमा सुरक्षा गुल्म रानीले १ लाख ३९ हजार ८ सय मूल्य बराबरको विओपी दरैयाले ८७ हजार ५ सय मूल्य बराबरको प्रस्तावित सीमा गुल्म वरङगाले ६० हजार मूल्य बराबरको सामान नष्ट गरेको छ ।
विओपी जहरा भुटाहाले ६४ हजार ५ सय, विओपी तरिगामाले ४८ हजार मूल्य बराबरको सामान नष्ट गरेको छ ।
नष्ट गरिएको सामानहरूमध्ये माछा, कुखुरा, अन्डा लगायत रहेको छ ।
